आभूषण बजार
बनेपा,मंसीर । गुणस्तर तथा नापतौल विभागले काभ्रेको बनेपामा तीनवटा सुनचाँदी पसल अनुगमन गरी ग्राममा विल नबनाएको भन्दै कारवाही प्रक्रिया थालेको छ ।
दुई महिना अघि गरेको अनुगमनको क्रममा सरकारद्धारा तोकिएको आधिकारीक मापदण्डमा ग्राममा विलविजक नबनाएको भन्दैं गुणस्तरले कारवाही प्रक्रिया अघि बढाएको भन्दै नेपाल सुनचाँदी व्यवसायी महासंघमा समस्या समाधानको पहल गरिदिन भन्दै काभ्रे सुनचाँदी व्यवसायी संघबाट निवेदन परेको छ ।
संघले महासंघमा प्रेष्रित गरेको पत्र अनुसार तीनवटा पसललाई नापतौल ऐन २०२५ र नियमहरु २०२७ प्रतिकूलको कारवाही गरिएको भन्दै कारवाही अगाडि बढाइएको उल्लेख गरिएको छ । ऐन अनुसार कारवाही भएमा १० हजार जरिवाना वा बढीमा १ वर्ष कैद वा दुवै व्यवस्था भएको बताइन्छ ।
गुणस्तर तथा नापतौल विभागका महानिर्देशक विश्वबाबु पुडासैनीले कारवाही प्रक्रियाको वारेमा क्षेत्रिय कार्यालयमा सवै डिटियल भएकाले बुझ्न आग्रह गर्नुभयो । उहाँले सुनचाँदी कारोवार ग्राममानै गर्नुपर्ने बताउनुभयो ।
नेपाल सुनचाँदी व्यवसायी महासंघले पनि विज्ञप्ती जारी गरी आफ्ना व्यवसायिक जिल्ला संघ र सदस्यहरुलाई ग्राममानै कारोवार गर्न आग्रह गरेको छ । व्यवसायीहरुले भने सयौ वर्ष देखि चल्दै आएको मौलिक गहना मापन पद्धतीलाई मास्न लागिएको भन्दैं आपत्ती प्रकट गरेका छन् । नेपाल सुनचाँदी व्यवसायी महासंघका उपाध्यक्ष विपिन रामुदामुले सवैको विश्वसनीय र स्थापित तोलामा गरिएको मापनलाई लिएर प्रश्न उठाउँदै कारवाही प्रक्रिया थाल्नु विडम्बना भएको बताउनुभयो । स्थापित र मौलिक नापविधि तोलामा कारवाही प्रक्रिया अघि बढाउँदा यो व्यवसायको कानुनी हैषियत अत्यन्त कम्जोर रहेको महशुस भएको बताउनुभयो ।
प्रतिक्रिया दिनुहोस्