पोखराको गहना बजारमा आफुलाई स्थापित गरेको बहुआयामिक पसल मध्ये ए.डि. एण्ड सन्स सुनचाँदी दुकान तथा टुल्स सप पनि एक हो । मोहरियाटोल स्थित यस प्रतिष्ठानका संचालक डम्मर बहादुर विश्वकर्मा हुनुहुन्छ । जगतपुर मधुपुरी घर भएर लामो समयदेखि पोखरामानै स्थापित भएर व्यवसाय गर्दै आउनुभएका विश्वकर्मा तीनवटा खम्बा बनाएर व्यवसाय गर्ने नमुना व्यक्तिको रुपमा हुनुहुन्छ ।
गहनाको विक्री वितरण,गहना निर्माणको लागि आवश्यक पर्ने औजार तथा कच्चापदार्थ र गहना सजावट लागि चाहिने सामग्री, त्रिकोणबाट ए.डि. प्रतिष्ठान संचालनमा रहेको छ । २०४९ सालबाट सुरु भएको यस पसलको अवधारणाले अहिले आएर पूर्णरुप पाएको छ । अहिले आधुनिक तथा मौलिक गहना बनाउन प्रयोग हुने प्रविधीयुक्त ज्यावालको लागि दुकान प्रशिद्ध रहेको छ । टुल्स शाखामा खासगरी पाता पेल्ने मेशिन,रोलर,पुरानो रोलर मेशिन मर्मत,प्लाष्टिकका डब्बा,सिरियल बक्स, झोलामा नाम छपाउनुका साथै,टे« र गल्ला होलसेल मुल्यमा पाइन्छ । विभिन्न क्षेत्रबाट आयत गरिएको पत्थरहरु पनि यहाँबाट पूर्ति हुने गरेको छ ।
ए.डि. प्रतिष्ठानका तीनवटा विक्री कक्षहरु बनाइएको छ । सुनचाँदीको दुकान,औजार तथा ज्यावालहरु अनि सजावटका लागि प्रयोग हुने गल्ला,ट्रे को छुट्टाछुटै कक्ष रहेको छ । पोखराको पुरानो होलसेल पसल भएकाले यहाँका ज्यावालहरु स्याङजा,बागलुङ,बेनी,पाल्पा,गोरखा,लम्जुङसम्म विक्री वितरण हुने गर्दछ । तयारी सुनचाँदीका गरगहना पनि यहाँबाट होलसेल दरमा विक्री वितरण हुँदै आएको छ ।ए.डि. प्रतिष्ठानले हालसालै नारायणगढमा शाखाको रुपमा प्रकाश औजार खोलेको छ ।
समाजसेवीका रुपमा समेत परिचित डम्बर विश्वकर्मा सानै देखि वर्गीय परिवर्तनको लागि दिलो ज्यान दिने व्यक्ति समेत हुनुहुन्छ । आफ्नो समुदाय क्षेत्रको विकासको लागि बेला बखतमा उहाँले आर्थिक तथा विभिन्न किसिमको सहयोग गर्दै आउनुभएको छ । प्राविधीकरुपमा पूर्ण जानकार नभई यसरी तीन धारबाट व्यवसाय गर्न गा¥हो पर्दछ । ‘मैले यसका लागि अथक मेहनेत र औजारसम्बन्धी सुक्ष्म अध्ययन र तालिम गरे ।कुनै पनि व्यवसायी तथा कालिगढलाई आवश्यक पर्ने औजार तथा सामानहरुको बारेमा म बुझ्न सक्दछ’ु संचालक विश्वकर्माले भन्नुभयो । ’ज्यावाल तथा औजार बेच्ने मात्र होइन त्यसलाई कसरी प्रयोग गर्ने भन्ने बारेमा क्रेतालाई सिकाइदिने भएकाले आफुँलाई धेरैले विश्वास गरेको उहाँको भनाई छ । ’गहना व्यवसायको लागि आवश्यक पर्ने टुल्सहरु नेपालमै उत्पादन गर्न सकिने सीप र क्षमता छ त्यसको लागि सरकारले लगानी गरेर वातावरण मिलाइदिए अरुको भर पर्नुपर्दैन‘विश्वकर्माले भन्नुभयो ।
प्रतिक्रिया दिनुहोस्