आभूषण बजार
काठमाडौं । नेपाल सुनचाँदी व्यवसायी महासंघका उच्च पदाधिकारीहरुले विश्वकर्मा सुनचाँदी व्यवसायी संञ्जालको गतिविधि र क्रियाकलापले महासंघले आगामी दिनमा व्यवसायीको विचमा गर्नुपर्ने कामलाई प्रभावित पारेको निश्कर्ष निकालेका छन् ।
महासंघकै जस्तो संगठन निर्माण अभियान र संगठन संरचना बनाउदा आफुहरुलाई संशीकित बनाएको र यसले महासंघको भूमिकालाई आगामी दिनमा कतै छाँयामा पार्ने त होइन भन्ने शंका उत्पन्न गराएको ती पदाधिकारीहरुले बताएका छन् । निकै मेहेनतका साथ जिल्ला शाखालाई संघ र संघबाट महासंघ बनाएका थियौं तर अहिले विभिन्न जिल्लामा महासंघका सदस्य र पदाधिकारीहरुको मानसिकता विभाजन गर्ने काम भइरहेको उनीहरुले बताएका छन् ।
नेपाल सुनचाँदी व्यवसायी महासंघका वरिष्ठ उपाध्यक्ष माणिकरत्न शाक्यले कुनै पनि कम्पनीले महासंघको जस्तो संजाल विस्तार गर्नु स्वभाविक नभएको भन्दै उद्देश्य माथि शंका व्यक्त गर्नुभयो । जिल्ला जिल्लामा समिति बनाउँदै महासंघका पदाधिकारी र सदस्यहरुलाईलाई नेतृत्व दिदैं गर्दा त्यो काम कम्पनीको मर्म र दायरा भन्दा विल्कुल फरक जस्तै देखिएको शाक्यको बुझाई छ । प्रदेश नम्बर १ मा महासंघकै पहलमा व्यवसायी सचेतना कार्यक्रम सम्पन्न गरियो सोही अनुरुप २ नम्बर,३ नम्बर,५ नम्बर लगायतका अरु प्रदेशमा पनि गर्ने योजना थियो तर संजालले महासंघका पदाधिकारी र सदस्यहरुको ध्यान डाईभर्ट गरिदिएका कारण व्यवसायी सचेतना कार्यक्रमले निरन्तरता पाउन नसकेको शाक्यले बताउनुभयो । महासंघका उपाध्यक्ष समेत रहनुभएका संजालका संयोजक अर्जून जीले संजाललाई कम्पनी हो भन्दा हामीले ठिकै छ आफ्नो वर्गमा काम गर्नु ठिकै हो भनेका थियौ तर महासंघकै जस्तो संघीय संरचना अनुसारको संगठन बनाउँदा भनाई र गराईमा विल्कुल फरक भएको शाक्यले बताउनुभयो । संजालको संगठन संरचनाले महासंघका सदस्यहरुका विचमा मनोवैज्ञानिकरुपमा विभाजित मानसिकता उत्पन्न भएको भन्दैं महासंघले सचेतना कार्यक्रम अघि बढाउन नसकेको शाक्यले बताउनुभयो ।
नेपाल सुनचाँदी व्यवसायी महासंघका उपाध्यक्ष तथा प्रदेश नम्बर ५ का संयोजक प्रेमकुमार सेन्चुरीले विश्वकर्मा सुनचाँदी संजालले प्रदेश,जिल्ला,नगर हुँदै कालिगढ संगठन समेत निर्माण गर्नु महासंघकै समानान्तर संगठन बनाएजस्तै भएको बताउनुभयो । महासंघकै समानान्तररुप देखिएको भन्दै सेन्चुरीले संजालका संयोजक अर्जून रसाईलीले महासंघको उपाध्यक्षबाट राजिनामा दिएर महासंघको काम प्रभावित गराउनबाट मुक्त हुनुपर्ने सुझाव दिनुभयो । अर्जून जी ले महासंघ हेर्ने हो कि कम्पनी भन्दै महासंघकै जस्तो संघीय ढाँचाको समानान्तर संगठन बनाउँदै हिड्ने हो ? प्रश्न गर्नुभयो ।
पछिल्लो समय नेपाल सुनचाँदी व्यवसायी महासंघको काम कारवाही सुस्त भएको छ । महासंघ गठन ताँका महासंघको छत्रछायाँ वसेर विभिन्न काम हुँदै आएता पनि अहिले महासंघका अध्यक्ष मोहनकुमार विश्वकर्माको नेतृत्व क्षमता कम्जोर हुँदा महासंघ इतिहाँसकै कम्जोर बन्न पुगेको छ । महासंघकै पदाधिकारीहरु कोही पूर्व कोही पश्चिम फर्कदा महासंघले व्यवसायिक हितमा काम गर्न सकेको छैन । विगतमा मोहन विश्वकर्मालाईनै अध्यक्ष बनाउन दिलोज्यान लागेका अर्जून रसाईली अहिले महासंघको उपाध्यक्षको जिम्मेवारी भूलेर जातियरुपमा संजाल बनाएर देश दौडाहामा लागेपछि महासंघ झनै कम्जोर बन्न पुगेको व्यवसायिक वृतमा वहस भइरहेको छ ।
प्रतिक्रिया दिनुहोस्