आभूषण बजार
नेपाल सुनचाँदी व्यवसायी महासंघ प्रदेश नम्बर २ ले विश्वकर्मा सुनचाँदी व्यवसायी संजालको नाममा भइरहेको गतिविधिले सप्तरी देखि पर्सा जिल्लासम्म मिलेर वसेका सुनचाँदी व्यवसायीहरुको एकतामा खलल पुराउन सक्ने भन्दैं ध्यानाकर्षण गराएको छ ।
नेपाल सुनचाँदी व्यवसायी महासंघका उपाध्यक्ष समेत रहेका संजालका संयोजक अर्जून रसाईलीको नाममा पत्र लेख्दै व्यवसायीहरु कच्चा पदार्थको अभाव र नीति नियम नहुँदा पीडित भइरहेको अवस्थामा व्यवसायीको एकतामा खलल पुराउने तरिकाबाट संजालका नाममा भइरहेको गतिविधि मिडिया र सामाजिक संजालमा आएका हुनाले ध्यानाकर्षण भएको भन्दैं यस्तो किसिमको गतिविधिले व्यवसायी वीचमा भइरहेको भाइचारा र सदभावमा खलल आउन सक्ने तर्फ सचेत गराइएको छ ।
प्रदेश २ का संयोजक शिवकुमार सर्राफद्धारा हस्ताक्षरित विज्ञप्तीमा मधेश र पहाडको वीचमा भएको विगतमा भएको द्धन्द्धलाई स्मरण गर्न र त्यस्तो स्थिती नहोस् भनी सचेत गराइएको छ । व्यवसायी एकता र सद्भाव खलल पार्ने त्यस्तो गतिविधि नगर्न नगराउन भन्दैं संयोजक रसाईलीलाई ध्यानाकर्षण गराइएको छ । यता विश्वकर्मा सुनचाँदी व्यवसायी संजालले भने रौतहट र धनुषामा कार्यक्रम गरेर जिल्ला समिति गठन गरिसकेको सामाजिक संजालमा फोटो सार्वजनिक गरेको छ । प्रदेश नम्बर २ मा समेत सुनचाँदी व्यवसायीमा जातिय विभाजन आएको भन्दैं व्यवसायीहरु चिन्तीत बनेका हुन् । नीति नियमको अभाव र कच्चापदार्थको समस्याले व्यवसाय थिलो थिलो भइरहेको अवस्थामा महासंघलाई थप मजबुत बनाएर लाग्नुपर्ने जिम्मेवार व्यक्तिहरु सुनचाँदी जातिय संगठन बनाउदैं हिडेपछि यतिबेला महासंघ थप कम्जोर भएको व्यवसायीहरुले चिन्ता व्यक्त गरेका छन् ।
प्रतिक्रिया दिनुहोस्