आभूषण बजार
भैरहवा,जेठ । सिद्धार्थनगर सुनचाँदी व्यवसायी संघ भैरहवा पछिल्लो समय समाजसेवाको कार्यमा क्रियाशिल हुन थालेको छ । समाजसेवामा सुनचाँदी व्यवसायीहरुलाई संलग्न बनाई सामाजिक कार्यको भूमिका अग्रसर गराउन संघले पछिल्लो समय विभिन्न क्षेत्रमा सहयोगका कार्यक्रम संचालन गर्दै आइरहेको छ । समाजसेवाको निरन्तरता अनुरुपनै संघले एक कार्यक्रमका वीच जिल्ला प्रशासन कार्यालय रुपन्देहीलाई ६ थान पित्तलको क्रिसमस रुखको विरुवा सहितको गमला हस्तान्तरण गरेको छ । रुपन्देही सुनचाँदी व्यवसायी संघका प्रथम उपाध्यक्ष रामकिशन वि.के र सिद्धार्थनगर सुनचाँदी व्यवसायी संघका अध्यक्ष प्रकाशमणि विश्वकर्माले सयुक्तरुपमा प्रमुख जिल्ला अधिकारी उदयबहादुर रानामगरलाई ३० हजार मूल्य बराबरको उक्त सामाग्री हस्तान्तरण गर्नुभयो ।
उक्त सामग्री बुझ्दै प्रमुख जिल्ला अधिकारी उदय वहादुर राना मगरले सुनचाँदी व्यवसायी संघ ले समाजिक गतिविधि समाज मा राम्रो कामको उदाहरण दिएको बताउदै धन्यवाद ज्ञापन गर्नु भयो । हस्तान्तरण कार्यक्रममा सिद्धार्थनगर सुनचाँदी व्यवसायी संघ का सचिव किस्मत वि.के, कार्यक्रम सम्योजक ध्रुव लामगादे,संघका कोषाध्यक्ष प्र्रेम रामदाम,कार्यसमिति सदस्य किरण लामगादे, सिद्धार्थनगर सुनचाँदी व्यवसायी महिला संघ सिद्धार्थनगरकी अध्यक्ष सरोजा रामदाम, सचिव सरिता विश्वकर्मा, सदस्य सुष्मा गहतराज लगायतको सहभागिता रहेको थियो ।
प्रतिक्रिया दिनुहोस्