सुनको मूल्य अझै बढ्न सक्ने देखिन्छ : प्रवक्ता मनोजकुमार साह

सुनको मूल्यले इतिहाँस रच्दै तोलाको सोमवार ८०३०० पुगेको छ । सुनको मूल्यले नयाँ रेकर्ड कायम गर्दै बढ्न थालेपछि आर्थिक क्षेत्रको चासो सुनचाँदी बजारलाई लिएर हुन थालेको छ । सुनको मूल्य के कारणले बढ्यो ? स्थिर हुन्छ ? घट्छ ? वा अझै बढ्छ ? यस विषयमा नेपाल सुनचाँदी व्यवसायी महासंघका प्रवक्ता मनोजकुमार साहसँग गरिएको कुराकानीको सारसंक्षेप । 

सुनको भाउले दिनदिनै उकालोको रेकर्ड राख्दै अघि बढेको छ किन ? 

हो केही समययता सुनको मूल्यले आकाश छोएको छ । सुनको मूल्यले दिनदिनै नयाँ रेकर्ड कायम गर्न थालेपछि सम्पूर्ण आर्थिक क्षेत्रको ध्यान सुनबजारमानै केन्द्रित भएको छ । सोमवार तोलाको ८०३०० पुगेको यो अहिलेसम्मकै उच्च भएर नयाँ रेकर्ड कायम भएको हो । सुनको मूल्य यसरी बढ्नुको कारण यो भन्दा अघि अमेरिका र चीनवीचको व्यापार युद्ध थियो भने पछिल्लो समय कोराना भाइरस भएको अन्र्तराष्ट्रिय बजारमा विश्लेषण भइरहेको छ । कोराना भाइरसको प्रभावका कारणले गर्दा मानिसहरुले लगानीलाई सवैभन्दा सुरक्षित सुनलाईनै देखेको कारण सुनको मूल्य बढेको हो । उद्योग,कलकारखाना र सेयरबजार भन्दा पनि मानिसहरुको ढुक्क र सुरक्षित लगानीको स्थान सुननै हुने गरेको तथ्य पटकपटक आउने गरेको छ । कोरानाका कारण अन्र्तराष्ट्रियरुपमा सन्त्रास छाएपछि सवैले सुनमानै लगानी गर्न थालेका छन् ।

सुनको भाउ उकालो लाग्ने क्रम कहिलेसम्म रहला ? व्यापारमा कस्तो प्रभाव परेको छ ? 

यो यसैभन्न सकिने स्थिती छैन । कोरानाको संक्रमण भयावह अवस्थाको कारण अझै पनि सुनको दर बढ्ने हामीले पूर्वानुमान गरेका र्छौ । विगतमा यो  समयमा दैनिक ५० केजी सुनले पनि पुग्दैनथ्यो अहिले २० केजी खपत हुन पनि अप्ठेरो परेको अवस्था छ । सीजनमा अहिले सुनका गहनाको खरिदविक्रीनै शून्य हुनेहोकी भन्ने सवै व्यवसायीमा चिन्ता छाएको छ । अहिले बजारमा गहना खरिद गर्न होइन सुनको रेटमात्र सोध्न ग्राहकहरु आउने गर्दछन् । सुनको कारोवार निकै घटेको अवस्था छ ।

नेपालमा चाँही महासंघले सुनचाँदीको दरभाउ निर्धारण गर्ने अधिकार पाएको छ कसरी निर्धारण हुन्छ ? 

नेपालमा सुनचाँदीको दरभाउ महासंघलेनै वर्षौ देखि निर्धारण गर्दै आइरहेको छ । यहि दररेटमा नेपालभर खरिदविक्री हुने गर्दछ । खासगरी हामीले सुनचाँदीको बजार भाउ अन्र्तराष्ट्रिय बजारको मूल्य अवस्था,इन्टरनल ऐक्सचेन्ज रेट,भन्सार शुल्क र वैक तथा व्यवसायीको मार्जिनलाई राखेर सुनको मूल्य निर्धारण गर्दै आइरहेका र्छौ जुन निकै उच्चस्तरको वैज्ञानिक रहेको छ यसकारणले पनि हाम्रो भाउन निर्धारण गर्ने पद्धतीमा सवैको विश्वास रहेको छ ।