नेपाल सुनचाँदी व्यवसायी संघ चितवनद्वारा प्रवद्धित सुनचाँदी बचत तथा ऋण सहकारी संस्था लिमिटेडको सातौं वार्षिकोत्सव कार्यक्रम आज शनिबार भव्यताका साथ सम्पन्न भएको छ ।
सहकारीका सिद्धान्तहरू मध्ये समुदाय प्रति चाँसो भन्ने सिद्धान्तलाई अनुसरण गर्दै वार्षिकोत्सव कार्यक्रम सम्पन्न गरिएको साकोसका प्रबन्धक रमेशकुमार रामदामले जानकारी दिएका छन् ।
साकोसले सामाजिक कृयाकलापहरूलाई निरन्तरता दिँदै साकोसको सातौं वार्षिकोत्सवको अवसरमा विश्वकर्मा सेवा समिति चितवनद्वारा निर्माणधिन सामुहिक किरियापुत्री भवनलाई ५१ हजारको चेक हस्तान्तरण गरिएको प्रबन्धक रामदामले बताएका छन् ।
साकोसका अध्यक्ष बाबुराम रामदामको अध्यक्षतामा सम्पन्न कार्यक्रममा साकोसका उपाध्यक्ष एवम् वार्षिकोत्सब कार्यक्रमका संयोजक रूवेन रामुदामुले सहभागी सबैलाई स्वागत मन्तव्य मार्फत स्वागत गर्नुभएको थियो । साकोसका सचिव टुलक प्रसाद विश्वकर्माद्वारा सञ्चालन गरिएको कार्यक्रममा साकोसका संस्थापक अध्यक्षविपिन रामुदामु, निर्वतमान अध्यक्ष अर्जुन रसाईली र नेपाल सुनचाँदी व्यवसायी संघ चितवनका अध्यक्ष टेकबहादुर विश्वकर्माले साकोसको प्रवर्द्धन र विकासका लागी हामी सबैको भूमिका अपरिहार्य रहेको बताएका छन् । कार्यक्रम विश्वकर्मा सर्वोदय उपसना मन्दिर, नारायणी किनार, नारायणगढको परिसरमा सम्पन्न भएको छ ।
प्रतिक्रिया दिनुहोस्