आभूषण बजार
काठमाडौं । नेपाल राष्ट्रिय सुनचाँदी कालिगढ संघ काठमाडौंले सोमवार सुनचाँदी कालिगढहरुलाई राहत वितरण गरेको छ ।
लामो लकडाउनका कारण समस्यामा परेका विदेशी तथा नेपाली कालिगहरुको परिवारलाई राहतस्वरुप विभिन्न खाद्यान्न वितरण गरेको हो । सुनचाँदी क्षेत्रमा रोजगार गर्दै आईरहेका कालिगढहरु बन्दाबन्दीले समस्यामा परेकाले आफुहरुले कालिगढका परिवारहरुलाई राहत वितरण गरेको नेपाल राष्ट्रिय सुनचाँदी कालिगढ संघका अध्यक्ष अर्जून विश्वकर्माले आभूषण बजार पत्रिकालाई बताउनुभयो ।
राहत स्वरुप प्रति ४ जना परिवार बराबर चामल १२ केजी,दाल २ केजी,आलु १ धार्नी,तेल १ लिटर,नुन १ केजी,र साबुन लगाएतको खाद्यान्न वितरण गरिएको हो । राहत कार्यक्रममा नेपाल सुनचाँदी कला ब्यवसायी संघ केन्द्रीय कार्यलय मैतीदेबिले कालिगढहरुको अपील पत्रलाई उच्च प्राथमिकता दिदैं संघलाई रु ७५ हजार प्रदान गरेको थियो । सो रकम संघका कोषाध्यक्ष सुमन लामिछानेले उपलब्ध गराउनुभएको थियो । यसैगरी राहत उपलब्ध गराउन गोल्ड एण्ड सिल्भर हाउस न्युरोड प्युखा बाट २५,०००, निलम गहना न्युरोडबाट १५,०००, श्री ओम ज्वलर्स बिशाल बजार बाट १५,००० र सालिमार ज्वलर्स बिशाल बजार बाट १०,००० र लालीगुरास ज्वलर्स बाट १०,००० रकम संकलन गरिएको थियो । नगद संकलन र राहत वितरणमा कालिगढ संघका अध्यक्ष अर्जून विश्वकर्मा,संरक्षक तिलक बिश्वकर्मा, महासचिब रमेशकुमार बिश्वकर्मा,सचिब हरीबहादुर बिश्वकर्मा र कोषाध्यक्ष बिक्रम लकान्द्रीको सक्रिय उपस्थिती रहेको थियो ।
प्रतिक्रिया दिनुहोस्