आभूषण बजार
चाडवाड नजिकैसँग सुनचाँदी पसलहरुमा गहना किन्नेहरुको चहलपहल बढ्न सुरु गरेको छ । गहनाको मूख्य व्यापारीक केन्द्र न्यूरोड,विशालबजार क्षेत्रमा चाडवाडलाई मध्यनजर गर्दै नयाँ डिजाईनका गहनाहरु झलमल्लरुपमा सजाएर राखिएको छ । एक रिपोर्ट
दशैतिहार,छठ पर्वलाई मध्यनजर गर्दै सुनचाँदी पसलहरुले नयाँ डिजाइनका गहनाहरु झलमल्लरुपमा सजाएर राख्न थालेका छन् ।
आधुनिक सो रुममा सजाएर राखिएको गहनाहरुले जो कसैलाई पनि आर्कषण गर्ने गर्दछ । आधुनिक तथा नेपाली मौलिक गहनाका डिजाईनहरुनै ग्राहकहरुको रोजाईमा पर्ने गर्दछन् । पछिल्लो समयमा ग्राहकहरुलेनै डिजाईन लिएर आउने भएपछि गहना बनाउन अर्डर दिन पनि व्यवसायीहरुलाई सजिलो भएको छ ।
दशैतिहारमा खासगरी नेपाली मौलिक गहना हार,नेकलेसहरुको वढी माग हुने गर्दछ । चुरा,कानमा लगाउने झुम्काहरु पनि नयाँ डिजाइनमा आएका छन् । मौलिक गहनामा चन्द्रमा,चन्तर,तिलहरी,नौगेडी लगायतका गहनाहरु सदावहाररुपमा चलिरहेका छन् ।
मौलिक गहनालाई पनि परिस्कृत ढंगबाट डिजाईन निकाल्ने र कम तौलमा पनि बनाउने भएपछि ग्राहकरु आर्कषित हुने गरेको पाइन्छ । बजारमा गहनाको डिजाइन निकाल्न पसलहरुको प्रतिस्पर्धानै हुने गर्दछ । आफ्नो पसलका गहना देखाउँदै अक्सरा ज्वेलरी,पिपलबोटकी प्रोपाइटर रितिका शाक्य भन्नुहुन्छ ग्राहकलाई सन्तुष्ट पार्नुनै व्यवसायीको सफलता हो । बाईट…..
नेपाली सुनचाँदी बजार पछिल्लो समयमा निकै परिस्कृत भएको छ । प्रविधि र सुचनाको पहुँचका कारण पछिल्लो युवापुस्ताहरुले गहना बजारलाई अझ आधुनिकिकरण गरी विकास गरेको पाइन्छ ।
सुनचाँदी समाचारका लागि श्रेया लामाको सहयोगमा सागर शर्माको रिपोर्ट ।
प्रतिक्रिया दिनुहोस्