आभूषण बजार
काठमाडौं,जेठ । कोरोना महामारीसँगै सरकारले गरेको लकडाउनको मौका छोप्दै सुनचाँदी पसल चोरी हुने क्रम बढेको छ ।
काठमाडौं काँडाघारीमा लकडाउनका कारण बन्द रहेको तिरुपती ज्वेलर्सको ताला फोरेर चोरी भएको छ । चोरी गर्ने गिरोहले दुई किलो चाँदीका सामान र डेढ तोला बराबरको सुन चोरी गरेर लगेको बताइएको छ । बन्दका कारण पसलको भाडा समेत तिर्न सकस भईरहेको अवस्थामा चोरी भएपछि थप पिडित बन्नु परेको व्यवसायीहरुले बताएका छन् । ज्वेलर्समा चोरी भए लगतै प्रहरीलाई अनुसन्धानको लागि खबर गरेता पनि खासै चासोका साथ चोरी गर्ने गिरोह समात्न पहलकदमी नगरेको तिरुपती ज्वेलर्सका संचालक मोहन गदालले बताउनुभयो ।
लकडाउनको बेला व्यवसायी तथा कालिगढहरु पिडित भइरहेको अवस्थामा श्रृंखलाबद्धरुपमा सुनचाँदी पसल फुटाएर चोरी हुने घटनाक्रम हुन थालेपछि आफुहरुलाई सवै व्यवसायीहरुलाई सचेत हुन अनुरोध गरिएको नेपाल राष्ट्रिय सुनचाँदी व्यवसायी मञ्चका उपाध्यक्ष खेम तिरुवाले बताउनुभयो । साथै उहाँले चोरीको घटनामा संलग्नलाई पत्ता लगाई कानुनी कारवाही गरी क्षतिपूर्ति उपलब्ध गराउन समेत माग प्रहरी समक्ष माग गर्नुभएको छ ।
प्रतिक्रिया दिनुहोस्