आभूषण बजार
काठमाडौं,भाद्र । चाडवाडको सिजन नजिकिदै गर्दा बजारमा काँचो सुनको कालोबजारी झन मौलाएर गएको छ ।
काठमाडौं लगायतका प्रमुख शहरहरुमा यतिबेला सुन तोलामा ३ हजार देखि ३५ सम्म बढीमा ऐजेन्टहरुले विक्री गरिरहेको जानकारीमा आएको छ । राज्यले सुनको कोटा घटाउनु त्यसमा पनि महासंघबाट सिफारिस भएका सुन एशोसियट,जिल्लाहरुमा कहाँ कति पुग्यो भनेर कुनै सुचना नदिनु, महासंघ देखि राज्यले पनि अनुगमन नगर्नुका कारण सुनमा कालोबजारी संस्थागतरुपमै मौलाएर गएको राष्ट्रिय उपभोक्ता मञ्चका अध्यक्ष प्रेमलाल महर्जनले बताए ।
सुनको कालोबजारी बढ्दा काँचो सुन ल्याएर बढीमा बेच्नेलाई फाइदा भएपनि साना व्यवसायीहरु भने दिन प्रति दिन मरिरहेको पिडित सुनचाँदी व्यवसायी तथा कालिगढ संघर्ष समितिका संयोजक रेशम लाम्गादेले बताउनुभयो । घरजग्गा धितो राखेर व्यवसाय गर्ने सुनचाँदी व्यवसायीहरु बढी मूल्य हालेर सुन किन्नुपर्ने बाध्यताले व्यापार टिकाउनैको लागि पनि विगत १० वर्ष देखि घाटाको व्यापार गर्नुपरेको लाम्गादेले बताउनुभयो । कालोबजारी हटाउन महासंघ लगायतका संघ संगठनका नेतृत्व जिम्मेवार नहुँदा साना व्यवसायीहरु धरासायी हुँदै पेशाबाट पलायन हुनुपरेको लाम्गादेको भनाई छ । राज्यले नागरिकहरुको संरक्षणको लागिनै नीति नियम बनाउने हो अव पनि सवै नजुट्ने हो भने साना व्यवसायीहरुको अस्तित्व सकिने लाम्गादेको भनाई छ ।
सुनको कालोबजारीका कारण देशभरका साना सुनचाँदी व्यवसायी तथा कालिगढहरु समस्यामा परेको भन्दैं अव पनि व्यवसायी तथा कालिगढहरु नजाग्ने हो भन्ने सुनचाँदी व्यवसायको भविष्य अन्योलमा पर्ने पिडित सुनचाँदी व्यवसायी तथा कालिगढ संघर्ष समितिका सह–संयोजक राजकुमार विश्वकर्माले बताउनुभयो । कालोबजारी हटाउनुपर्छ भनेर पछिल्लो समय साना व्यवसायी र कालिगढहरु आफुहरुको अभियानबाट जागरुक बन्दै गएको र अभियानलाई बलियो बनाएर लान सके सुनचाँदी बजार नयाँ आयाम थपिने विश्वकर्माको भनाई छ ।
सिजनको सुरुवातसँगै यतिबेला काठमाडौं,नारायणढ,पोखरा,बुटवल,तराईका विभिन्न जिल्ला,सुदुरपश्चिम प्रदेशका विभिन्न शहरहरुमा तोलामा ४ हजारसम्म बढीमा सुनको कालोबजारी भइरहेको सुचना प्राप्त भएको छ । महासंघ तथा जिल्ला संघहरु कालोबजारी नगर्न सचेत समेत गराउन विज्ञप्ती निकाल्न नसकेको अवस्था छ ।
प्रतिक्रिया दिनुहोस्