आभूषण बजार
काठमाडौं,माघ । भारतीय टन्ज र कालिगढहरुले गरिखान पाउने आफ्नो अधिकारमा तनाब उत्पन्न गराइएको भन्दैं सवै भन्दा पहिला सुनचाँदी महासंघ र अध्यक्षको पसलबाट छानविन सुरु गरिनुपर्ने बताएका छन् ।
आभूषण बजार पत्रिकासँग सम्पर्कमा आएका उनीहरुले महासंघलाई लेवी तिरेको र राजश्व तिरेको भन्दैं टन्जवाला र भारतीय कालिगढको टाउमा सुनको अवैध धन्दा गरेको भन्दैं दोष थुपारेर महासंघ उम्किन नपाउने उनीहरुले बताएका हुन् । साथै मिडियाबाजी गरेर आफुहरुको चरित्र हत्या गरिएको भन्दैं आन्दोलनमा जाने उनीहरुले बताएका छन् ।
भारतीय कालिगढका पदाधिकारीले आभूषण बजार पत्रिकालाई बताए अनुसार टन्ज र भारतीय कालिगढका विषयमा सुनचाँदी महासंघका अध्यक्षको पछिल्लो समयमा आएको टिप्पणी अत्यन्त खेद जनक रहेको बताएका छन् । उनीहरुले अनावश्यक आफुहरुको टाउमा दोष थुपारेर महासंघका अध्यक्ष आपत्तीजनक अभिव्यक्ति दिएको बताए । महासंघलाई लेवी तिरेका छौं,उनीहरुको काम गरेका छौ हामीले कसरी अवैध काम ग¥यौं उनीहरुको प्रश्न छ ? आफुहरु आन्दोलनमा जाने र छानविन र पसल शिल गर्ने हो भने पहिला महासंघको अध्यक्षबाट सुरु गर्नुप¥यो,हामीले उनीहरुसँग गरेका काम कसरी अवैध भयो,एक एक प्रमाण दिन तयार र्छौ भारतीय कालिगढ संघका पदाधिकारीले भने यदि हाम्रो टन्ज र कालिगढी दुकान बन्द गर्ने हो भने पहिला महासंघको अध्यक्षको पसल शिल गरेर मात्र सुरु गर्नुपर्छ ।
पछिल्लो समयमा भएको मिडियावाजी आफुहरुलाई फसाउने हिसाब बाट आएकाले आन्दोलनमा जानुको विकल्प नभएको उनीहरुको भनाई छ । महासंघका अध्यक्षले हाम्रो विरुद्धमा बोल्नु भन्दा पहिला आफु कति पानीको मुनीको गहिराईमा छु त्यो सोच्नुपर्ने भारतीय कालिगढ तथा टन्जवालाहरुको भनाई छ ।
सिजनको समयमा आफ्नो काम बन्द गराउन खोज्नु आफुहरुको परिवारको पेटमा लात हानेको उनीहरुको भनाई छ । महासंघ पदाधिकारीको जस्तै हाम्रा पनि परिवार छन् छोरा,छोरी छन् उनीहरु पढाउनुपर्छ,आफुहरुलाई भोकै मार्ने कामको चलखेल भएको भारतीय कालिगढ तथा टन्जवालाहरुले बताएका छन् ।
पछिल्लो समय सुनको अवैध धन्दा र कालोबजारीका वारेमा मिडियामा खबर छ्यापछ्याप ती आउन थालेपछि चावहिल,जोरपाटी हुँदै अहिले आएर न्यूरोड,चक्रपथ लगायतका टन्जवालाहरुको भागाभाग हुन थालेको छ । आफुहरुको पेटमा लात हान्ने काम भएको भन्दैं उनीहरु यतिबेला भारतीय राजदुतावसको शरणमा जाने तयारीमा लागेका छन् ।
महासंघको अध्यक्ष देखि पदाधिकारीहरुको पसल र कारखानाको छानविनमा समेत उनीहरुले प्रमाण सहित राज्यलाई सहयोग गर्ने समेत उनीहरुले आभषण बजार पत्रिकालाई बताएका छन् । तस्वीर स्रोतःएनएन टिभी
प्रतिक्रिया दिनुहोस्