आभूषण बजार
नारायणगढ । विश्वकर्मा बचत तथा ऋण सहकारी संस्था लिमिटेड नारायणगढको तीन दिने सहकारी अध्ययन तथा अवलोकन भ्रमण सम्पन्न भएको छ ।
चैत ४ गते देखि ६ गते सम्म भएको शेयर सदस्यहरुलाई गराइएको अवलोकन भ्रमणमा दोलखाको पर्यटकीय तथा धार्मिक स्थलको भ्रमण गर्नुका साथै विभिन्न सहकारीहरुको कार्यप्रगतिको अध्ययन गरिएको थियो । तारा रसाईलीको संयोजकत्वमा भएको भ्रमणमा इन्द्रावती गाउँपालिका मेलम्चीका विभिन्न सहकारी समुह र स्थानीय आर्थिक विकासका वारेमा गाउपालिका अध्यक्ष रविन्द्र विश्वकर्मा खातीले भ्रमण दलका सदस्यहरुलाई जानकारी गराउनुभएको थियो ।
६४ जना शेयर सदस्यहरुको सहभागिता रहेको भ्रमण टोलीले चीन–नेपाल व्यापारको अवस्थाको वारेमा तातोपानी नाका सम्म पुगेर अवलोकन गरेको थियो । शेयर सदस्यहरुले ज्वेल्स वचत तथा ऋण सहकारी संस्था लिमिटेड ललितपुरको समेत अवलोकन र अध्ययन गरेका थिए । सुनचाँदी व्यवसायीहरुको लगानीमा स्थापाना भएको ज्वेल्स बचतको तर्फबाट अध्यक्ष किरणभाई बज्राचार्यले विश्वकर्मा साकोसका अध्यक्ष विपिन रामुदामु सहितको टोलीलाई स्वागत गर्नुका साथै साकोसको वारेमा जानकारी गराउनुभएको थियो ।
भ्रमण कार्यक्रममा विश्वकर्मा साकोसका सचिव रविन्द्र पन्थी,नेपाल सुनचाँदी व्यवसायी संघ चितवनका उपाध्यक्ष राजु बराली,लेखा संयोजक ननेन्द्र बराली,सचिना बराली,सल्लाहाकार गोविन्द पाध्य लगायतले कालिन्चोक भ्रमण र सहकारी संस्थाहरुको अध्ययनले शेयर सदस्यहरुमा नयाँ ज्ञान र उर्जा प्राप्त भएको जानकारी दिनुभयो । विश्वकर्मा साकोसका अध्यक्ष विपिन रामुदामुले शेयर सदस्यहरुलाई आर्थिक विकासको लागि अन्य जिल्लाहरुले गरेको कार्यको ज्ञान अनुभव साटासाट गर्न र सम्बन्धलाई पुर्नताजगी गर्न भ्रमण सफल भएको जानकारी दिनुभयो ।
प्रतिक्रिया दिनुहोस्