आभूषण बजार
नेपाल सुनचाँदी व्यवसायी महासंघको उच्च तहमा पुग्नबाट रोक्न महेन्द्ररत्न शाक्यलाई घेरावन्दी सुरु भएको छ । हाल महासंघको कोषाध्यक्षमै रहेर पनि काउन्टर एट्याक हान्न माहिर महेन्द्ररत्न शाक्यबाट जातिगत तरिकाबाट जातिगत नाममा संचालित सुनचाँदीका कम्पनीलाई खतरा पैदा हुन सक्ने भन्दैं उनको भूमिकालाई खुम्चाउने कसरत सुरु भएको छ । सहमति पालाना भए माणिकरत्न शाक्य महासंघको अध्यक्षमा आउनुहुनेछ । माणिकरत्न महेन्द्रका आफ्नै दाजु हुन् । नाम नबताउने सर्तमा स्रोतले जानकारी गराए अनुसार दाजुलाई अध्यक्ष दिनै प¥यो भने पनि भाईलाई महासंघमा कुनै भूमिका दिन नहुने मोहन क्याम्पले आन्तरिक राणनीति बनाएको जानकारीमा आएको छ ।
अध्यक्षमा माणिक र उपाध्यक्षमा महेन्द्र आए व्यवसायी सद्भाव र आक्रमक कार्यक्रम लिएर महासंघ देशव्यापी सक्रिय भएर कार्यक्रम अघि बढे जातिगत कम्पनीका गतिविधिमा खतरा उत्पन्न हुन सक्ने भएकाले पनि महेन्द्रलाई अंकुश लगाउने तिकडमबाजी सुरु भएको बताइन्छ । महेन्द्ररत्न शाक्यले पनि महासंघमै सक्रिय हुने संकेत गर्दै काठमाडौं सुनचाँदीको तालाचावी सुरेशमान शाक्यलाई बुझाइसकेका छन् । महेन्द्ररत्न शाक्यले विगतमा पनि व्यवसायी एकता र जातियता हुनुहुदैन भनेर यस अघि मेची महाकाली अभियान चलाएका थिए । महासंघ भित्र मोहन विश्वकर्मा र अर्जून रसाईली हावी भएको कारणले पनि मेची महाकाली अभियानले सार्थकता हासिल गर्न सकेन र जातिगत गतिविधि र कम्पनी बनाएर सक्रिय बन्ने वातावरण सिर्जना भएको सुनचाँद िक्षेत्रलाई विश्लेषण गर्ने पण्डीतहरुले बताउने गर्दछन् ।
प्रतिक्रिया दिनुहोस्