सुन सहित प्रभु सोनार पक्राउ

Prabhu Shah Pakrau

हेटौंडा । मकवानपुर प्रहरीले आइतबार अवैध सुनसहित हेटौँडा उपमहानगरपालिका १५ स्थित रातोमाटे चेकपोस्टबाट एक जनालाई नियन्त्रणमा लिएको छ ।

जिल्ला प्रहरी कार्यालय मकवानपुरका प्रहरी नायब उपरीक्षक टेकबहादुर कार्कीका अनुसार काठमाडौंबाट वीरगन्ज जाँदै गरेका प्रभु साह सोनारको साथबाट प्रहरीले ४ सय ८९ दशमल ३७ मिलि ग्राम  सुन बरामद गरेको हो । ना।१ज ७४९० नम्बरको यात्रुवाहक सुमोलाई चेकजाँच गर्दा सोनारको साथबाट  सुन फेला परेको प्रहरीले जनाएको छ ।

बरामद गरिएको सुन ४७ लाख ३६ हजार ७ सय ५९ रुपैयाँ बराबर भएको प्रहरीले जनाएको छ । प्रहरीका अनुसार सोनारलाई आवश्यक कारबाहीका लागि राजश्व अनुसन्धान कार्यालय पथलैया पठाइएको छ ।३५ वर्षीय सोनार पर्साको वीरगन्ज महानगरपालिका १ मा बसोबास गर्दै आएका छन् ।

प्रतिक्रिया दिनुहोस्