आभूषण बजार
आभूषण संवाददाता
ललितपुर,साउन । ललितपुर सुनचाँदी व्यवसायी संघको संयोजन र ललितपुर महानगरपालिकाको आयोजनामा भएको एक महिने एडभान्स सिक्री बनाउने तालिम समापन भएको छ ।
तालिममा सहभागी ३२ जना प्रशिक्षार्थीहरुलाई होटल स्क्यावरमा एक कार्यक्रमको आयोजना गरी प्रमाण–पत्र वितरण तथा सम्मान गरिएको छ । तालिममा सहभागीहरुले सीपमूलुक तालिमले आत्मनिर्भर बन्नको लागि महानगर र ललितपुर सुनचाँदीले खेलेको भूमिकाको प्रंशसा गरेका छन् । ललितपुर महानगरपालिकाकी उप–प्रमुख मन्जुला शाक्य बज्रचार्यले ललितपुरको कला संस्कृतिलाई जीवन्त राख्न सुनचाँदी क्षेत्रको पनि महत्वपूर्ण भूमिका रहेकाले महानगरले यूवा तथा महिलाहरुको लागि आत्मनिर्भर बन्न र सीपलाई वृद्धि विकास गर्न सहयोग गरेको बताउनुभयो ।
नेपाल सुनचाँदी व्यवसायी महासंघका अध्यक्ष माणिकरत्न शाक्यले स्वदेशी कालिगढको विकास गरी सुनचाँदी क्षेत्रलाई आत्मनिर्भर बनाउनको लागि ललितपुर सुनचाँदी व्यवसायी संघले खेलेको भूमिकाको पं्रशसा गर्नुभयो । कार्यक्रममा ललितपुर सुनचाँदी व्यवसायी संघका अध्यक्ष सुविन बज्राचार्यले ललितपुरको सुनचाँदी र हस्तकला क्षेत्रको विकासका लागि महानगर र महासंघसँग मिलेर थप कार्यक्रम अगाडी बढाउने बताउनुभयो । कार्यक्रममा तालिमका संयोजक संजय शाक्य,ललितपुर सुनचाँदी व्यवसायी संघका निर्वतमान अध्यक्ष किरणभाई बज्रचार्य,नेपाल सुनचाँदी व्यवसायी महासंघका उपाध्यक्ष पवनकुमार सोमानी लगायतको उपस्थिती रहेको थियो । सो अवसरमा प्रशिक्षार्थीहरुले निर्माण गरेको चाँदीका सिक्रीहरुको समेत प्रर्दशन गरिएको थियो ।
प्रतिक्रिया दिनुहोस्