नेपाल सुनचाँदी हस्तकला व्यवसायी संघको पाँचौ साधारसभा सम्पन्न

साउन,काठमाडौं । साना सुनचाँदी व्यवसायीहरुले राज्यले कोटा निर्धारण गरेर दिइरहेको सुन आफूहरुले नपाउँदा रोजीरोटी नै गुम्ने अवस्थामा पुगेको बताएका छन् । नेपाल सुनचाँदी हस्तकला व्यवसायी संघको पाँचौ साधारणसभामा बोल्दै व्यवसायीहरुले राज्यले प्रदान गरिरहेको सुनमा महासंघले सिण्डीकेट कायम गरी भागवण्डा गर्दा नपाएको गुनासो गरेका हुन् । उनीहरुले राज्यले कोटामा दिने सुन आफूहरुले नपाए आन्दोलन गर्ने चेतावनी समेत दिएका छन् । नेपाल सुनचाँदी हस्तकला व्यवसायी संघका अध्यक्ष श्यामकुमार विश्वकर्माले राज्यले दिने सुन आफुहरुले नपाउँदा व्यवसाय संचालन गर्न समस्या परेको बताए ।नेपाल सुनचाँदी रत्न तथा आभूषण महासंघका सचिव निरकुमार धमलाले व्यवसायीहरुवीचमा एकता नहुँदा व्यवसायमा समस्या आएको बताए । संघका उपाध्यक्ष राजकुमार दर्नालले स्वागत मन्तव्य राखेका थिए भने कोषाध्यक्ष दिलकुमार विश्वकर्माले आर्थिक प्रतिवेदन र महासचिव नरेन्द्र विश्वकर्माले वार्षीक प्रतिवेदन पेश गरेका थिए । सरकारले कोटा प्रणाली अनुसार दैनिक १० किलो सुन महासंघलाई उपलव्ध गराउने गरेको छ ।