महासंघको नेतृत्व कोटा सुनमा खेलेमेलो गर्दा सात प्रतिशत विद्रोह

आभूषण संवाददाता
सुनचाँदी क्षेत्रको वजार पछिल्लो समय सात प्रतिशत ज्यालाको मापदण्डमा जान लागेका छन् ।
महासंघ भित्रका खराव नेतृत्व र पदाधिकारीहरु कोटाको सुनकै खेलामेलोमा लागेर आम व्यवसायको हितमा लाग्ने भन्दा पनि आफै मात्रै कमाउने धन्दामा लाग्न थालेपछि बजारम सात प्रतिशत अभियान चलिरहेको छ । अहिले न्यूरोडका धेरै पसलहरु खुलेर विना जर्ति सात प्रतिशत ज्याला लिएर सुनको कारोवार गरिरहेका छन् भने न्यूरोड वाहिर पनि केहीले स्टिकर टाँसेर गरेका छन् । केहीले भने भित्र भित्र ग्राहकलाई मात्र थाहा हुने गरी ज्याला मात्र लिएर काम गर्न सुरु गरेका छन् ।
सुनचाँदी नीति नियम बनाउने भनेर २०७० सालमा वृहद् आन्दोलन पश्चात पन्ध्र दिनमा नीति नियम जारी गर्ने भने पनि महासंघकै नेतृत्व गैरजिम्मेवार बन्दा आज ११ वर्षसम्म पनि सुनचाँदी बजार नीति नियम विहिन भएर बस्नुपरेको छ । नीति नियम बन्दा कोटाको सुनको खेलोमेलो सक्किने डरको उपज आज सात प्रतिशतको विद्रोह बजार भरी देखिएको छ । यसलाई समाधान गर्न महासंघका नेतृत्वले केही दिन अघि आचार संहिता जारी गरेपनि कुनै कानुनी हैषियत नभएको आचारसंहिताले व्यवसायको भलो गर्न नसक्ने ठहर गरी आम व्यवसायीहरुलाई यसलाई समेत अस्विकार गरिदिएका छन् ।
विगत ११ वर्ष देखि नेता,मन्त्री,राष्ट्र वैंक जाने फोटो खिचाउने तर कोटाको सुनको खेलोमेलामा लागेर आम सुन व्यवसायीलाई गुम्राहामा राख्ने गैरजिम्मेवार प्रवृतिको कारण महासंघ आज लालटीन लिएर खोज्नुपर्ने अवस्था आएको छ । विगतमा सुन जोख्दा १ प्रतिशतसम्म क्षम्यसिमा समेत राज्य उल्लेख गर्न र जर्ति समेत कानुनमा राख्न दिएको निर्देशिकाको मस्यौदालाई लत्याएर कोटाको सुनको खेलोमेलोमा लागेका महासंघको नेतृत्वप्रति अव राज्य कहिले पनि सकारात्मक नहुने स्थिती देखिएको छ । अव राज्यलाई राम्रोसँग ट्याकल गर्न सक्ने सक्षम र इमान्दार नेतृत्व नआएसम्म सुन बजार अन्योलताको भूमरीमा वाच्ने स्थिती देखिएको छ ।
भन्सार घटाइदिए कोटाकै सुनको खेलोमेलो गर्न पाइन्छ भन्दै मौका हेरेर बसेको खराव नेतृत्वको कारण अझै सुनचाँदी बजारले कतिसम्म दुःख पाउनुपर्ने हो अझ स्थिती भयावह वन्ने स्थिती देखिएको छ । एकजनाले संघ महासंघको वेथिती विरुद्ध सुरु गरेको सात प्रतिशतको विद्रोह अहिले चारैतिर सल्कीएको छ यसले बजार एकरुपता ल्याउछ या विकृति यो भने हेर्न बाँकीनै रहेको छ ।