सुनको भाउ तोलामा एकैपटक ४ हजार बढ्यो,किन बढ्यो ?

आज मिति २०८१ साल चैत्र महिनाको १ गते शुक्रवार सुनको मूल्य ह्वातै बढेको छ । चैतको पहिलो दिननै सुन तोलाको १ लाख ७४ हजार ५ सय पुगेको हो । सुन तोलाम ह्वातै ४ हजारले बढेको हो । फागुनको अन्तिम दिन सुन तोलामा १ लाख ७० हजार ५ सयमा कारोवार भएको थियो ।
चाँदीको मूल्य पनि तोलामा ५० रुपैया बढेको छ । शुक्रवार चाँदी तोलाको २०५० रुपैया भाउ कायम भएको छ । अमेरिका र युक्रेन वीच एक महिना रुससँग युद्ध विराम गर्ने सहमती भएपनि रुसले नमानेपछि अहिले सुन तर्फ लगानी बढेकाले नेपालमा तोलामा ४ हजार भाउ बढ्न पुगेको नेपाल सुनचाँदी व्यवसायी संघका निवर्तमान अध्यक्ष तेजरत्न शाक्यले बताउनुभयो । अमेरिका र यूरोपले सुन कलेक्सनलाई ध्यान दिएकाले पनि सुनको भाउ बढेको शाक्यको भनाई छ ।