आभूषण बजार
काठमाडौं । सरकारले सुनको कोटा बढाएर दैनिक २० केजी पु¥याएको छ । राष्ट्र बैंकले कोरोना महामारी पछि अत्यावश्यक वस्तुको खरिदको लागि डलर संचिती गर्नुपर्ने भन्दैं सुनको कोटा घटाएर १० केजीमा झारेको थियो । राष्ट्र बैंकले पुन चैत १९ गते माताहतका निकायलाई परिपत्र गर्दै सुन दैनिक २० केजी कायम गरिएको जानकारी आएको नेपाल सुनचाँदी व्यवसायी महासंघका प्रवक्ता मनोजकुमार साहले जानकारी दिनुभयो ।
१० केजी सुनले सिजनको समयमा बजारमा चरम अभाव भएको र उपभोक्ताको माग धान्न नसकेको भन्दैं यस अघि व्यवसायीहरुले पटक पटक सरकारको ध्यानार्कषण गराएका थिए । व्यवसायीहरुको मागलाई मध्यनजर गर्दै सरकारले सुनको कोटा पुनः बढाएको प्रवक्ता साहको भनाई छ । सुनको कोटा बढेपछि बजारमा चलिरहेको कालोबजारी केही घट्ने अपेक्षा गरिएको छ । यद्यपी वितरण प्रणाली राम्रो हुन नसके कालोबजारी यथावत भने रहनेछ । महासंघले अव अहिले चलिरहेको उच्च कालोबजारीलाई कोटा बढेसँगै कसरी निराकरण गर्छ त्यो भने हेर्न बाँकी रहेको छ । १० केजी कोटा हुँदा देखि भने बजारमा ३ हजार देखि ३ हजार ५ सय सम्म सुन तोलामा कालोबजारी भइरहेको थियो ।
प्रतिक्रिया दिनुहोस्