सुनचाँदी शिल्प व्यवसायीको १३ औं स्थापाना दिवश,कसले के भने ?

काठमाडौं । नेपाल सुनचाँदी शिल्प व्यवसायी संघ केन्द्रिय कार्यालय काठमाडौंले आफ्नो १३ औं स्थापाना दिवश विविध कार्यक्रमका साथ मनाएको छ ।

१३ वर्ष अघि चक्रपथ वाहिर असंगठित रहेका सुनचाँदी व्यवसायीहरुलाई समेटेर नविनरत्न शाक्यको संस्थापन अध्यक्ष भएर स्थापना गरिएको संघले अहिले काठमाडौं र जिल्ला वाहिर गरी ७०० भन्दा सुनचाँदी व्यवसायीहरुलाई आफ्नो संघमा आवद्ध गराएको छ ।

संघले स्थापना दिवशको अवसरमा संस्थापकहरुलाई सम्मानका साथै रक्तदान कार्यक्रम समेत सम्पन्न गरेको छ । रक्तदान कार्यक्रममा उल्लेख्य व्यक्तिहरुको सहभागिता रहेको थियो । साना,ठूला सवै व्यवसायीहरुको भावानालाई समेटेर संघले पछिल्लो आफ्ना सदस्यहरुको व्यवसायिक क्षमताको विकास र जनचेतनामा अहिलेसम्म आउँदा उल्लेख्य विकास गरेको संघका केन्द्रिय अध्यक्ष टंक बराईलीले बताउनुभयो । आगामी दिनमा साना व्यवसायलाई संरक्षण गर्ने हिसावबाट संघले भावि कार्यक्रम तय गरेर अघि बढ्ने अध्यक्ष बराईलीको भनाई छ । संघका संस्थापक अध्यक्ष नविनरत्न शाक्यले शिल्प व्यवसायी संघले पछिल्लो समय रक्तदान लगायतका सामाजिक क्षेत्रमा रचनात्मक काम गरीरहदा व्यवसायीहरुको इज्जत अझ बढेकाले आगामी दिनमा यस्तो कार्यलाई निरन्तरता दिन जरुरी रहेको बताउनुभयो ।

संघका प्रथम उपाध्यक्ष अर्जून विश्वकर्माले व्यवसायीलाई सरकारले अनेकन मारमा पारेकाले साना व्यवसायीको विकासमा ठोस ऐजेण्डा लिएर अघि बढ्ने आफुहरुको पहिलो काम हुने बताउनुभयो ।

संघका अर्का उपाध्यक्ष तिलक विश्वकर्माले १३ वर्ष अघि बालाजु पार्कको चउरमा दुई चार जना व्यवसायीहरु मिलेर खोलेको संस्था आज सयौको संख्यामा संगठीत हुन पाउँदा अत्यन्त खुशी लागेको बताउनुभयो । सुनचाँदी व्यवसायको भविष्य जोगाउन कच्चापदार्थनै चुनौतिको रुपमा देखिएकाले यसलाई वैज्ञानिक ढंगबाट हल गर्न आफुहरुले नयाँ ढंगबाट योजना बनाएर सरकार समक्ष पेश हुने तयारी गरिहेको उपाध्यक्ष तिलक विश्वकर्माको भनाई छ ।

संघका महासचिव तथा रक्तदान कार्यक्रमका संयोजक कृष्ण पोर्तेलले रक्तदान जीवनदान भएकाले पूण्यको काम गर्नु सुनचाँदी व्यवसायीको धर्म र सामाजिक उत्तरदायित्व भएकाले पनि आफुहरुले आयोजना गरेको बताउनुभयो ।

संघका सचिव युक्त विश्वकर्माले पछिल्लो समय शिल्प व्यवसायी संघका उर्जावान यूवा पदाधिकारीहरुका कारण सामाजिक क्षेत्रमा समेत व्यवसायीहरुको उत्तरदायित्वको जिम्मेवारी लिएकोमा आफुलाई खुशी लागेको बताउनुभयो ।

संघका सदस्य तथा विविसीका पूर्व पत्रकार मेघराज रसाईलीले राज्यबाट व्यवसायीहरुको मनोबललाई बढाउने कार्य गरेको खण्डमा राजश्व वृद्धिका साथै रोजगारी सिर्जना गर्न यस क्षेत्रले उल्लेखनीय भूमिका निर्वाह गर्ने बताउनुभयो ।

संघले अग्रजहरुको सम्मान र परोपकारी काम रक्तदान लगायतका काम गर्दा आफुहरुलाई भित्रै देखि सन्तुष्टी र खुशी मिलेको संघका कोषाध्यक्ष केशव विश्वकर्माले बताउनुभयो ।