आभूषण बजार
काठमाडौं । काठमाडौं सुनचाँदी व्यवसायी संघले सुनचाँदी विद्यालयको गुरुयोजनालाई पूर्णता दिन नयाँ भवनको जग शिलन्यास गरेको छ ।
विहिवार एक कार्यक्रमका वीच काठमाडौं महानगरपालिका मेयर विद्यासुन्दर शाक्य र उपमेयर हरिप्रभा खड्कीले संयुक्तरुपमा भवनको शिलान्यास गर्नुभयो । विशेष पूजाआजा सहित गरिएको शिलन्यास कार्यक्रममा सुनचाँदी व्यवसायिक क्षेत्रका प्रतिष्ठित व्यक्तिहरुको उपस्थिती रहेको थियो ।
जग शिलन्यास कार्यक्रम पश्चात आभूषण पत्रिकासँगको कुराकानीमा काठमाडौं सुनचाँदी व्यवसायी संघका अध्यक्ष महेन्द्ररत्न शाक्यले सुनचाँदी क्षेत्रलाई अझ व्यवसायिक र सीप विकासको लागि सुनचाँदी विद्यालयको अवधारणा सहितको योजना अघि सारेको बताउनुभयो । तालिमबाट सुनचाँदी क्षेत्रमा रोजगार सिर्जना हुने गरी सीपलाई प्रवद्र्धन गर्दै कालिगढ तयार पार्ने,मार्केटिङ देखि सेल्सम्यानहरु तयार पार्ने देखि लिएर विभिन्न सैद्धान्तिक तथा प्राविधिक ज्ञान दिने गरी अवको ६ महिनापछि काम सुरु गर्ने तयारी गरिएको अध्यक्ष शाक्यले बताउनुभयो ।
काठमाडौं महानगरपालिका उपमेयर हरिप्रभा खड्कीले युवाहरुले सीप सिकेर स्वरोजगार बन्ने तरिकाबाट जुन योजना संघले अघि ल्याएको यो निकै सकारात्मक कार्य भएको बताउनुभयो । सुनचाँदी क्षेत्रलाई स्थानीय जनशक्तिबाट विकास गर्न संघले गरेको प्रयन्तले यस क्षेत्रको विकासमा टेवा पुराउने खड्कीले बताउनुभयो ।
काठमाडौं महानगरपालिका मेयर विद्यासुन्दर शाक्यले सुनचाँदी क्षेत्रको विकासको लागि संघले गरेको कार्यप्रति महानगरपालिका समेत आवश्यक सहयोग उपलब्ध गराउने बताउनुभयो । सुनचाँदी क्षेत्रको कला र सीपलाई विकास गर्न सकिएको खण्डमा आर्थिक विकास र रोजगारीमा टेवा पुग्ने शाक्यले विश्वास राख्नुभयो । कार्यक्रममा नेपाल सुनचाँदी व्यवसायी महासंघका पूर्व तेजरत्न शाक्य,मणिरत्न शाक्य,महासंघका वरिष्ठ उपाध्यक्ष माणिकरत्न शाक्य,उपाध्यक्ष दियेशरत्न शाक्य,नेपाल सुनचाँदी शिल्प व्यवसायी संघका विशिष्ट सदस्य मिनबहादुर तामाङ,सिन्धुपाल्चोक सुनचाँदी व्यवसायी संघका अध्यक्ष सुब्बा सुनार लगायतको उपस्थिती रहेको थियो ।
प्रतिक्रिया दिनुहोस्