सुनचाँदी चितवनमा सहमतीको प्रयास,पश्चिम चितवन निर्णायक मत

नारायणगढ । नेपाल सुनचाँदी व्यवसायी संघ चितवनको यहि कार्तिक १० गते हुने भनिएको अधिवेशन सर्ने भएको छ ।
प्रतिनिधि छनौट र आन्तरिक गृहकार्य अझै बाँकी रहेकाले कार्तिक २६ गते अधिवेशन गर्ने तयारी भएको बुझिएको छ । संघको नयाँ नेतृत्वको लागि सल्लाहाकार समितिको वैठक बसेर सहमतीको प्रयास गरिएता पनि अझै केही गृहकार्य र मुद्धाहरु मिलाउनुपर्ने भएकाले अधिवेशन कार्तिक २६ गतेलाई सारिएको बुझीएको छ । संघको नयाँ अध्यक्षको लागि हेम सेन्चुरी,राजु बराली,रविन्द्र पन्थी लगायतको नाम चर्चामा रहेको छ । वरिष्ठ उपाध्यक्षमा उत्सव खातीलाई सर्वसम्मत गर्ने प्रयास गरिएको छ । खातीको वरिष्ठ उपाध्यक्षमा चर्चा भएपनि अरु आकांक्षीहरु पनि देखिएका छन् । । सहमती नभए मतदानमा स्थिती धकेलिने पनि उत्तिकै सम्भावाना देखिन्छ । चुनावमा गएको स्थितीमा पश्चिम चितवनको ९० भन्दा बढी भोट निर्णायक देखिएको जानकारहरुको विश्लेषण रहेको छ । पश्चिम चितवनका सुन व्यवसायीहरुलाई अध्यक्ष डा.यम विकेकै कार्यकालबाट साधारणसभाबाटनै जिल्ला समितिकै प्रमाणपत्र दिने निर्णय भएकाले पनि पश्चिम चितवन सुनचाँदी व्यवसायी संघ बलियो देखिएको हो । चितवन जिल्ला महासंघका अध्यक्ष अर्जून रसाईली र निर्वतमान उपाध्यक्ष विपिन रामुदामुको गृह जिल्ला भएकाले पनि यहाँको अधिवेशनलाई महासंघको मिनि महाधिवेशनको रुपमा विशेष महत्वको साथमा हेरिएको छ । चितवनको अधिवेशनलाई महासंघको महाधिवेशनमा दुवैजना प्रतिस्पर्धी भएर लडेकाले पनि अहिले प्रतिष्ठाको लडाईको रुपमा फेरी हेरिएको अवस्था छ ।